YAP Nizami rayon təşkilatı yaranmasının 20 illik yubileyi münasibətilə silsilə tədbirlərə başlamışdır

Yeni Azərbaycan Partiyası (YAP) Nizami rayon təşkilatı yaranmasının 20 illik yubileyi münasibətilə silsilə tədbirlərə başlamışdır.

AzərTAc xəbər verir ki, tədbirlər planı çərçivəsində rayon təşkilatının 140-a yaxın ərazi ilk təşkilatlarında toplantılar keçiriləcək, rayon təşkilatının fəaliyyətində xüsusi əməyi olan partiya üzvləri mükafatlandırılacaq və YAP sıralarına yeni qəbul olunmuş 200-dək partiya üzvünə vəsiqələr təqdim ediləcəkdir.

Bununla yanaşı, yubiley münasibətilə müxtəlif ədəbi-bədii və idman tədbirləri də təşkil ediləcəkdir.

1993-ci ildə yaradılmış rayon təşkilatı böyük inkişaf yolu keçmiş, üzvlərinin və ərazi təşkilatlarının sayı əhəmiyyətli dərəcədə artmışdır. Bu gün YAP Nizami rayon təşkilatı öz sıralarında 10 min 314 nəfəri birləşdirir.

AzərTAc