İƏT Xarici İşlər Nazirləri Şurasının 21-ci iclası keçirilir

İranda İqtisadi Əməkdaşlıq Təşkilatı (İƏT) Xarici İşlər Nazirləri Şurasının 21-ci iclası keçirilir. SİA-nın xarici mətbuata istinadən məlumatına görə, toplantıda Azərbaycanın xarici işlər naziri Elmar Məmmədyarov İƏT XİN Şurasına sədrliyi bir il müddətinə İrana təhvil verib. Bundan sonra İranın xarici işlər naziri Məhəmməd Cavad Zərif qısa çıxış edib və prezident Həsən Ruhaninin çıxışı ilə yığıncaq öz işinə başlayıb.Qeyd edək ki, iclasda Azərbaycanı xarici işlər naziri Elmar Məmmədyarov təmsil edir. İƏT XİN Şurasının iclasında Azərbaycan, Qazaxıstan, Qırğızıstan, Türkmənistan, Özbəkistan, Türkiyə, Əfqanıstan, Pakistan, Tacikistan və İran nümayəndələri iştirak edir.

sia.az