Pənah Hüseyn: “Asəf Quliyevi ciddi adam kimi qəbul etmirəm”

"Mən Asəf Quliyevi ciddi adam kimi qəbul etmirəm və fikirləri mənim üçün maraqlı deyil". Bu fikirləri SİA-ya açıqlamasında AXP sədri Pənah Hüseyn, AXCP-nin sabiq sədr müavini, Milli Şuranın Mitinq Komitəsinin keçmiş sədri Asəf Quliyevin təmsil olunduğu partiyadan və Milli Şuradan istefasının səbəblərini açıqlaması ilə bağlı fikirlərinə münasibət bildirərkən söyləyib.

P.Hüseyn, həmçinin qeyd edib ki, A.Quliyevin bütün danışdıqları yalandır: "Onun söylədikləri yalandır, böhtandır və belə insanların fikirlərini dinləmək, ona hansısa reaksiya verməyi də doğru hesab etmirəm".

Qeyd edək ki, A.Quliyev Milli Şuradan istefasında Arif Hacılı, Pənah Hüseyn və Rauf Arifoğlunu günahlandırıb.

sia.az