Əli Abbasov: Yanvar ayında Azərbaycanın ikinci süni rabitə peykinin orbitə çıxarılması layihəsi ilə bağlı tender elan olunacaq

"Gələn ilin yanvar ayında Azərbaycanın ikinci süni rabitə peykinin orbitə çıxarılması layihəsi ilə bağlı tender elan olunacaq". Bu barədə rabitə və informasiya texnologiyaları naziri Əli Abbasov məlumat verib.

Ə.Abbasov deyib ki, artıq Azərbaycanın ikinci süni rabitə peykinin orbitə çıxarılması layihəsi ilə bağlı bütün müzakirələr və təhlillər başa çatıb. Onun sözlərinə görə, texniki tapşırığın yüksək beynəlxalq səviyyəyə uyğun olaraq hazırlanması yekunlaşıb.

"Gələn ilin yanvar ayında tender elan olunacaq. Tender məhdud saylı şirkətlər arasında keçiriləcək. Ən müasir və yüksək keyfiyyətə cavab verən şəkildə biz bu layihəyə başlayacağıq"- deyə, Ə.Abbasov qeyd edib.

yap.org.az