Mahmud Məmmədquliyev: Avropa Birliyi ilə əməkdaşlıq Azərbaycanın xarici siyasətinin əsas prioritetlərindən biridir

"Avropa Birliyi ilə əməkdaşlıq Azərbaycanın xarici siyasətinin əsas prioritetlərindən biridir". Bu fikri xarici işlər nazirinin müavini Mahmud Məmmədquliyev deyib.

M.Məmmədquliyev bildirib ki, Azərbaycanın müasirləşmə ilə bağlı addımları davam etdirir. Onun sözlərinə görə, bu sahədə AB-nin ən yaxşı praktikalarını əxz etməyə hazırdır. M. Məmmədquliyev Azərbaycan üçün ən ciddi problemin Dağlıq Qarabağ münaqişəsi olduğuna diqqət çəkib.

"Bu münaqişənin həll olunmaması təkcə bölgəyə deyil, onun sərhədlərindən kənara da təsir göstərir. Azərbaycan AB-nin ATƏT-in Minsk Qrupuna dəstəyini qiymətləndirir, lakin biz hesab edirik ki, AB münaqişənin həllində daha güclü rol oynaya bilər"- deyə, nazir müavini vurğulayıb.

yap.org.az