AŞPA-nın iclasında internet azadlığından danışılıb

"Qlobal şəbəkə dövlət orqanları və vətəndaşlar arasında real vaxtda sabit ictimai-siyasi fikir mübadiləsinitəmin edir. Elektron hökumətin yaradılması, insanlar və hökumət arasında daha güclü, daha şəffaf və daha asan əlaqələrin qurulmasında internet böyük bir töhfədir. Internet vasitəsi ilə gənclər siyasi liderlər, siyasi partiya və bloklar, onların platforması haqqında məlumat əldə edir və bu onların əsas informasiya mənbələrindən birinə çevrilir. Bununla yanaşı gənclərin dünyagörüşünə bəzi internet resurslarının mənfi təşiri də müşahidə olunur". SİA-nın xəbərinə görə, bu fikirləri Azərbaycanın AŞPA-dakı nümayəndə heyətinin üzvü Sevinc Fətəliyeva qurumun qış plenar sessiyasında "İnternet və siyasət: yeni informasiya və kommunikasiya texnologiyalarının demokratiyaya təsiri" adlı hesabatın müzakirəsi zamanı çıxış edərkən deyib.Azərbaycanda internetin azad olduğu və ondan istifadəyə heç bir məhdudiyyət qoyulmadığı diqqətə çatdıran millət vəkilinin sözlərinə görə, müasir dünyada internet demokratiyanın, söz və ifadə azadlığının göstəricisidir: "Azərbaycanda internet azaddır. Ölkəmizdə internet azadlığı bizim əsas nailiyyətlərimizdən biridir. Bu gün əhalinin təxminən 65 faizi internet istifadəçisidir. İstər bloqgerlər, istər media nümayəndələri internet vasitəsilə də öz fikirlərini azad ifadə edirlər, hər hansı daxili və ya xarici informasiya resurslarının istifadəsinə məhdudiyyət qoyulmur. Hər bir ölkədə olduğu kimi sosial şəbəkə həyatımızın ayrılmaz hissəsinə çevrilib".O çıxışına əlavə edib ki, bu gün hər bir Azərbaycan vətəndaşı ölkədə və dünyada gedən bütün sıyası proseslərə öz münasibətini azad şəkildə sosial şəbəkə vasitəsilə bildirir və fikir mübadiləsi aparır: "Müasir cəmiyyət proqresdən imtina edə bilməz. Siyasət də diğər sahələr kimi yeni texnologoyalarla addımlamalıdır. Lakin unutmamalıyıq ki, bizim şəxsi baxışlarimiz və mövqeyimiz, kiminsə tərəfindən təqdim olunan, bəzən qərəzlı, düzgün interpretasiya olunmayan və qeyri konstruktiv məlumatlar əsasında yox, real hadisələr və proseslər əsasında qurulmalıdır".Hesabat ətrafında çıxış edən digər millət vəkili Sahibə Qafarova internetin müasir cəmiyyətdə xüsusi rolunu vurğulayıb və hazırda internet kütləvi informasiya vasitələri arasında geniş yayılan informasiya vasitəsi olduğunu qeyd edib: "İnternet resusları son 10 illikdə Azərbaycanda sürətli inkişaf yolu keçib və ölkəmizdə internetə çıxışa və ondan istifadəyə heç bir məhdudiyyət qoyulmayıb. İfadə azadlığı, prüalizm və cəmiyyətin inkişafı üçün vacib olan digər şərtlər obyektiv məlumatın əldə edilməsində, tam demokratik idarəçiliyə nail olmaqda mühüm amillərdir. Vətəndaş cəmiyyətinin inkişafında və demokratik sistemlərin tərəqqisində internetdən və social şəbəkələrdən lazımınca isitfadə vacibdir".

sia.az