İspaniya parlamentinin üzvlərindən ibarət nümayəndə heyəti Fəxri xiyabanı və Şəhidlər xiyabanını ziyarət ediblər

İspaniya parlamentinin üzvlərindən ibarət Azərbaycan ilə qeyri-formal dostluq qrupunun nümayəndə heyəti fevralın 6-da Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad etmiş, məzarı önünə güllər qoymuşdur.

Görkəmli oftalmoloq alim, akademik Zərifə xanım Əliyevanın da xatirəsi yad olunmuş, məzarı üzərinə güllər düzülmüşdür.

Sonra Şəhidlər xiyabanına gələn qonaqlar ölkəmizin azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini ehtiramla yad etmiş, məzarları üstünə güllər qoymuşlar.

İspaniya parlamentinin üzvləri Bakının ən hündür nöqtəsindən Azərbaycan paytaxtının mənzərəsini seyr etmişlər.

AzərTAc