Meksika Azərbaycan ilə enerji sektorunda əməkdaşlığa böyük önəm verir

Prezident İlham Əliyev Meksikanın Azərbaycanda yeni təyin olunmuş səfirini qəbul etdib

Azərbaycan Respublikasının Prezidenti İlham Əliyev martın 1-də Birləşmiş Meksika Ştatlarının ölkəmizdə yeni təyin olunmuş fövqəladə və səlahiyyətli səfiri xanım Marta Elena Barsenanın etimadnaməsini qəbul edib. Səfir xanım Marta Elena Barsena fəxri qarovul dəstəsinin qarşısından keçdi. Xanım Marta Elena Barsena etimadnaməsini Prezident İlham Əliyevə təqdim etdi. Sonra Azərbaycan Prezidenti İlham Əliyev səfirlə söhbət etdi. Səfir Marta Elena Barsena ölkəsinin Azərbaycan ilə müxtəlif sahələrdə, o cümlədən enerji sektorunda əməkdaşlığı inkişaf etdirməkdə maraqlı olduğunu bildirdi.