Uorlik: “ABŞ Rusiyanı qəbul etməsə də, Qarabağ məsələsində birgə fəaliyyət göstərməlidir”

"ABŞ Rusiyanın Ukrayna ilə bağlı əməllərini qəbul etməsə də, ölkələr arasında görüləcək birgə işlərlə bağlı sahələr mövcuddur. Bura Ermənistan-Azərbaycan, Dağlıq Qarabağ münaqişəsinin sülh yolu ilə həlli daxildir". SİA-nın xəbərinə görə, bu barədə ATƏT-in Minsk qrupunun amerikalı həmsədri Ceyms Uorlik öz "Twitter" səhifəsində qeyd edib.Amerikalı həmsədrin fikrincə, Ukraynada baş verən hadisələrdən Dağlıq Qarabağ münaqişəsi üçün nə öyrənə biləcəyimizi nəzərə almalıyıq.Qeyd edək ki, Krım hadisələrinə görə ABŞ ilə Rusiya arasında gərginlik yaranıb. Ötən gün Krımda Referendum seçkiləri baş tutub. Seçkinin nəticələrinə görə, seçicilərin 93 faizi Krımın Rusiyaya birləşməsi üçün səs verib.

sia.az