Elmar Məmmədyarov: “Böyük sülh müqaviləsinin müzakirəsinə başlamaq lazımdır"

Azərbaycan və Ermənistanın xarici işlər nazirlərinin növbəti görüşü Haaqada keçiriləcək. Bu barədə Azərbaycanın xarici işlər naziri Elmar Məmmədyarov jurnalistlərə açıqlamasında deyib. Nazir bildirib ki, görüş martın 24-25-də Haaqada (Niderland) nüvə təhlükəsizliyi sammiti çərçivəsində baş tutacaq.E.Məmmədyarov qeyd edib ki, ATƏT-in Minsk qrupunun həmsədrləri apreldə regiona səfər edəcəklər.XİN başçısı onu da vurğulayıb ki, Dağlıq Qarabağ münaqişəsinin həll olunması üçün əbədi olaraq danışıqlar aparıla bilməz: "Biz əbədi olaraq danışıqlar apara bilmərik. Ona görə də böyük sülh müqaviləsinin müzakirəsinə başlamaq lazımdır".

sia.az