Avropa Şurasının baş katibi Azərbaycana gəlir

Avropa Şurasının baş katibi Torbyorn Yaqland mayın 8-də Azərbaycana rəsmi səfər edəcək. Bu barədə SİA-ya Avropa Şurasının mətbuat xidmətindən məlumat verilib.Məlumata görə, səfərin əsas məqsədi AŞ ilə Azərbaycan arasında əməkdaşlıq perspektivləri və Azərbaycanın AŞ Nazirlər Komitəsinə sədrliyi məsələlərini müzakirə etməkdir.Səfər çərçivəsində T.Yaqlandın Azərbaycan rəsmiləri ilə bir sıra görüşləri gözlənilir.Qeyd edək ki, bundan öncə T.Yaqlandın başçılıq etdiyi nümayəndə heyətinin aprelin 22-24-də Azərbaycana səfər edəcəyi gözlənilirdi. Lakin səfər baş katibin Ukraynada baş verən hadisələrlə bağlı Strasburqda keçirilən təcili müzakirələrdə, eyni zamanda, AŞ Nazirlər Komitəsinin bu həftə və növbəti həftə keçiriləcək iclaslarında iştirak etməli olduğu üçün təxirə salınıb.

sia.az