Vəfa Quluzadə: “Ermənistan sülhə doğru addım atan kimi başına qapaz dəyir”

"Rəsmi Moskva ATƏT-in Minsk qrupunun fəaliyyətini ilk gündən iflic vəziyyətinə salıb". Bunu SİA-ya politoloq Vəfa Quluzadə Fransanın Ermənistan-Azərbaycan, Dağlıq Qarabağ münaqişəsinin həllindəki roluna və ATƏT-in Minsk qrupunun fəaliyyətinə münasibət bildirərkən deyib."Mən çox arzu edirəm ki, Qərb Dağlıq Qarabağ məsələsini həll etsin. Bunu sadəcə olaraq Nüvə dövləti olan Rusiya istəmir. İndi gərək Qərbin Rusiyaya gücü və təsiri olsun ki, rəsmi Moskva Cənubi Qafqazdan əlini çəksin.Rusiya heç cür istəmir ki, Azərbaycanla Ermənistan arasında sülh prosesi təmin olunsun. Bu mənada hesab edirəm ki, Rusiya dövləti neytrallaşdırılmamış sülhü təmin etmək mümkün olmayacaq.Ermənistan sülhə doğru addım atan kimi işğalçı ölkənin başına qapaz dəyir. Rusiya Ermənistanı tam müstəmləkə edərək onu idarə edir".

sia.az