Azərbaycan və Belarus arasında məsləhətləşmələr keçiriləcək

İyunun 19-da Bakıda Azərbaycan və Belarus xarici işlər nazirlikləri arasında məsləhətləşmələr keçiriləcək. Belarusun ölkəmizdəki səfirliyindən SİA-ya verilən məlumata görə, Belarus nümayəndə heyətinə Belarus xarici işlər nazirinin I müavini Aleksandr Mixneviç rəhbərlik edəcək.Azərbaycanı məsləhətləşmələrdə xarici işlər nazirinin müavini Xələf Xələfov təmsil edəcək.Məsləhətləşmələr zamanı iqtisadi-ticarət, elmi-texniki və humanitar sahələrində əməkdaşlıq, hüququ bazanın təkmilləşdirilməsi, habelə beynəlxalq təşkilatlar çərçivəsində Azərbaycan-Belarus tərəfdaşlığı daxil olmaqla, ikitərəfli münasibətlərlə bağlı məsələlərin geniş spektri müzakirə ediləcək.Məsləhətləşmələr Azərbaycan və Belarus xarici siyasət idarələri arasındakı dialoq çərçivəsində baş tutacaq.

sia.az