Deputatlarımız Türkiyədə seçkiləri müşahidə edəcəklər

Milli Məclisinin Aqrar siyasət komitəsinin sədri Eldar İbrahimov, Mədəniyyət komitəsinin sədri Nizami Cəfərov və deputat Sədaqət Vəliyeva Türkiyədə keçiriləcək prezident seçkilərini müşahidə edəcəklər. Parlamentdən SİA-ya verilən məlumata görə, seçkiləri Türkdilli Dövlətlərin Parlament Assambleyasının (TürkPA) xətti ilə izləyəcək deputatlar avqustun 7-dən 13-dək Türkiyədə olacaqlar.Onlar paytaxt Ankara şəhərindəki bir sıra seçki məntəqələrində olacaq, vətəndaşların səsvermə hüquqlarının təmin olunması, demokratik seçki texnologiyalarının tətbiqi və beynəlxalq müşahidəçilərin fəaliyyəti ilə maraqlanacaqlar.

sia.az