Bu gün Azərbaycanda "Energetiklər Günü" qeyd olunur

Hər il oktyabrın 20-si Azərbaycanda "Energetiklər Günü" peşə bayramı kimi qeyd olunur. SİA-nın məlumatına görə, Azərbaycan Prezidenti İlham Əliyevin 2004-cü il oktyabrın 13-ü sərancamı ilə "Energetiklər Günü" peşə bayramı təsis olunub.Ölkədə sənaye və yanacaq- energetika kompleksində dövlət siyasətini və tənzimlənməsini həyata keçirən mərkəzi icra hakimiyyəti orqanı isə Sənaye və Energetika Nazirliyidir. Nazirlik öz fəaliyyətində ölkə Konstitusiyasını, qanunlarını, prezidentin fərman və sərəncamlarını, Azərbaycanın tərəfdar çıxdığı beynəlxalq müqavilələri və nazirliyin Əsasnaməsini rəhbər tutur.Sənaye və yanacaq-energetika kompleksi mədənçıxarma, emal (neftin və qazınemalı, nəqli və paylanması, kimya, maşınqayırma, metallurgiya, yüngül və digər sənaye sahələrindən), elektrik və istilik enerjisinin istehsalı, təchizatı, ötürülməsi və bu sahələrlə əlaqədar ışləri həyata keçirən hüquqi şəxslərdən və fərdi sahibkarlardan ibarətdir.Xatırladaq ki, Yanacaq və Energetika Nazirliyi Azərbaycan Prezidentinin 6 dekabr 2004-cü il 150 saylı Fərmanı ilə ləğv edilib və onun funksiyaları Sənaye və Energetika Nazirliyinə verilib.

sia.az