Bolqarıstanda Naxçıvan Muxtar Respublikası haqqında broşür nəşr edilib

Azərbaycan Xarici İşlər Nazirliyinin Naxçıvan Muxtar Respublikasındakı idarəsi tərəfindən təqdim edilmiş materiallar və fotoşəkillər əsasında ölkəmizin Bolqarıstandakı səfirliyinin təşəbbüsü ilə bolqar və ingilis dillərində muxtar respublikanın 90 illiyinə həsr olunan broşür nəşr edilib. Broşürdə Naxçıvanın tarixi, görkəmli xadimləri, zəngin mədəniyyəti, gözəl təbiəti, tarixi abidələri, həmçinin şəhərləri və rayonları barədə məlumat verilir. Naxçıvan şəhərinin qədim Azərbaycanın xəzinəsi olduğu, burada Möminə Xatun, Nuh türbələrinin və digər çoxsaylı tarixi abidələrin mövcud olduğu diqqətə çatdırılır. Bundan əlavə, broşürdə Naxçıvanın Azərbaycanın iqtisadi baxımdan inkişaf etmiş bölgələrindən biri olduğu bildirilir, muxtar respublikanın füsunkar təbiətindən ətraflı bəhs edilir.

AzərTAc