Elman Məmmədov: “Ermənistanla yanaşı, onlar da bu məsuliyyəti daşıyır”

"İyirmi ildən artıqdır Azərbaycan əraziləri Ermənistan kimi işğalçı, təcavüzkar bir dövlət tərəfindən işğal olunub. Təbii ki, Azərbaycan həm öz qanunlarına, həm də BMT-nın qəbul etdiyi qətnamələrə əsasən öz torpaqlarını təcavüzkar erməni rejiminin tapdağından azad etmək hüququna malikdir". Bu sözləri SİA-ya açıqlamasında millət vəkili Elman Məmmədov deyib.Onun sözlərinə görə, beynəlxalq hüquqa əsasən Azərbaycan öz ərazi bütövlüyünü təmin etmək ixtiyarına malikdir: "Bu yöndə Azərbaycan tam şəkildə hərbi əməliyyatlar keçirmək səlahiyyətinə də malikdir. İşğalçı Ermənistanla yanaşı, ona havadarlıq edən, onun işğalına haqq donu geyindirən dövlətlər və beynəlxalq qurumlar da bu məsuliyyəti daşıyırlar".

sia.az