Şəhidlər Xiyabanında Həzi Aslanovun xatirə mərasimi keçirilir YENİLƏNƏCƏK

Müdafiə naziri general-polkovnik Zakir Həsənovun təsdiq etdiyi tədbirlər planına əsasən bu gün iki dəfə Sovet İttifaqı Qəhrəmanı Həzi Aslanovun Şəhidlər Xiyabanında xatirə mərasimi keçirilir. SİA-nın məlumatına görə, mərasimdə nazirliyin birlik, birləşmə, hərbi hissə və xüsusi təyinatlı müəssisələrinin şəxsi heyəti, veteranlar, ictimaiyyət nümayəndələri iştirak edib.Əvvəlcə sərkərdənin məzar-abidə kompleksi önünə Müdafiə Nazirliyi adından əklil və gül dəstələri qoyulub, generalın əziz xatirəsi ehtiramla yad edilib.Xatirə mərasimində Həzi Aslanov haqqında bir neçə kitabın müəllifi, Müdafiə Nazirliyinin zabiti, Əməkdar incəsənət xadimi, polkovnik Abdulla Qurbani qəhrəmanın həyat və döyüş yolu barədə mərasim iştirakçılarına geniş məlumat verib.Mərasim davam edir.

sia.az