PA rəsmisi ilə görüş keçirilib

Azərbaycan Tələbə Gənclər Təşkilatları İttifaqının (ATGTİ) qərargahında təşkilatın icraedici aparatının Azərbaycan Respublikası Prezident Administrasiyasının İctimai-siyasi məsələlər şöbəsinin Gənclər təşkilatarı ilə iş sektorunun müdiri Vüsal Quliyevlə görüşü keçirilib. SİA-nın məlumatına görə, görüş çərçivəsində Vüsal Quliyev ATGTİ-nin qərargahı və əməkdaşları ilə tanış olub. Vüsal Quliyev müxtəlif departamentlərin və işçi qrupların işi barəsində məlumatlandırılıb.ATGTİ-nin "İnformasiya Texnologiyaları Evi" mərkəzində ATGTİ-nin əməkdaşları tərəfindən həyata keçirilən son layihələr barəsində təqdimat keçirilib. Qeyd edək ki, Vüsal Quliyevə xüsusi ilə elektron library.atgti.az, tgt.az resursları, Azərbaycanın Milli Qəhrəmanları mobil proqramı, Könüllülük Pasportu, İstedadlar axtarışında və digər layihələr barəsində məlumat verilib.Daha sonra Prezident Administrasiyasının sektorunun müdiri Vüsal Quliyev görüş barəsində təsüratını və ATGTİ-nin uğurlu fəaliyyəti barəsində fikirlərini bölüşüb.

siaşaz