Ulu Öndərin xatirəsi Qaradağda anıldı

Lökbatan qəsəbəsində Heydər Əliyev parkında Ulu Öndərin anadan olmasının 92-ci ildönümü ilə əlaqədar abidəsi önünə əklilqoyma mərasimi keçirilib. SİA-nın xəbərinə görə, mərasimdə Qaradağ Rayon İcra Hakimiyyəti başçısı Süleyman Mikayılov, Şura üzvləri və rayon ictimaiyyəti iştirak edirdi.Əvvəlcə Qaradağ Rayon İcra Hakimiyyəti başçısı S.Mikayılov və Şura üzvləri abidə önünə əklil və gül dəstələri düzdülər.Daha sonra rayonun idarə, müəssisə və təşkilat rəhbərləri, ardıcıl olaraq mərasimə toplanmış ictimaiyyət nümayəndələri ümummilli lider Heydər Əliyevin abidəsi önünə gül dəstələri qoymaqla Azərbaycanın memarı və qurucusuna öz dərin ehtiramlarını bildirdilər.Bununla da mərasim sona çatdı.

sia.az