YAP rəsmisi: "Rektorlar deputat seçilsələr, vəzifədən gedecəklər"

Yeni Azərbaycan Partiyasından (YAP) deputatlığa namizədliyi irəli sürülən rektorlardan deputat seçilənlər avtomatik rektor vəzifələrini itirəcəklər. SİA-nın xəbərinə görə, bu barədə YAP icra katibinin müavini, deputat Siyavuş Novruzov açıqlamasında deyib.Onun sözlərinə görə, bu şərt namizəd rektorların ərizələrində də əksini tapıb: "Qəbul olunmuş son qərar belədir ki, partiya tərəfindən irəli sürülmüş rektor namizədlər deputat seçildiyi təqdirdə rektorluq vəzifələrindən imtina edəcəklər".Qeyd edək ki, YAP-ın ötən gün açıqladığı siyahıda rektorlardan Aqiyə Naxçıvanlı (Azərbaycan Müəllimlər İnstitutu), Səməd Seyidov (Azərbaycan Dillər Universiteti), Əhliman Əmiraslanov (Azərbaycan Tibbi Universiteti) və Ağacan Abiyevin (Azərbaycan Dövlət Bədən Tərbiyəsi Akademiyası) də adı var. (apa)

sia.az