İmzatoplama kampaniyası uğurla başa çatır

YAP Qax rayon təşkilatı imzatoplama kampaniyası keçirir

Yeni Azərbaycan Partiyası Qax rayon təşkilatında noyabr ayının 1-də keçiriləcək parlament seçkiləri ilə əlaqədar partiyanın namizədi üçün imzatoplama kampaniyası uğurla davam edir. YAP Qax rayon təşkilatının və rayon seçki qərargahının sədri Nizami Əhmədov 10 nəfərdən ibarət imza toplayan fəallarla görüşərək imza vərəqələrini təqdim etmişdir.

Yeni Azərbaycan Partiyası namizədinin qeydiyyata alınması üçün imzatoplama kampaniyası seçicilər tərəfindən maraq və həvəslə qarşılanır. Partiyamızın namizədinə verilən imzalar xalqımızın Yeni Azərbaycan Partiyasına olan inam və etibarından irəli gəlir. Yeni Azərbaycan Partiyasının möhtəşəmliyi, gücü bu kampaniyada da özünü büruzə verir. Heç kimə sirr deyil ki, Yeni Azərbaycan Partiyası noyabr ayının 1-də keçiriləcək Milli Məclisə seçkilərdə parlaq qələbə qazanaraq Azərbaycanın yeganə və mütəşəkkil siyasi qüvvəsi olduğunu bir daha sübüt edəcəkdir.

Rəfiqə Kamalqızı