Politoloq: “ABŞ-Azərbaycan münasibətləri yüksələn xətlə inkişaf edir” AÇIQLAMA

"Cənab Prezident İlham Əliyevin ABŞ-da keçiriləcək Nüvə sammitinə dəvət alması və orada iştirakı iki ölkə arasındakı münasibətlərin inkişafına böyük töhfə verəcək". Bu fikirləri SİA-ya açıqlamasında politoloq Sübut Əsədov deyib.Politoloq bildirib ki, Azərbaycan-ABŞ münasibətləri 25 ildir ki, müxtəlif sahələrdə əməkdaşlıqla davam etdirilir: "Enerji təhlükəsizliyi, eyni zamanda beynəlxalq terrorizmə, narkotik maddələrin qeyri-qanuni dövriyyəsinə, kütləvi qırğın silahlarının yayılmasına qarşı mübarizə sahəsində iki ölkə arasında geniş əməkdaşlıq mövcuddur. ABŞ və Azərbaycan Avropanın enerji təhlükəsizliyində yaxından iştirak edir".Onun sözlərinə görə, ABŞ-da baş verən 2011-ci il 11 sentyabr hadisələrindən sonra terrorizmə qarşı mübarizə koalisiyasına qoşulan ilk dövlətlərdən biri məhz Azərbaycan olub: "Azərbaycan Əfqanıstanda aparılan hərbi əməliyyatlarda dərhal və qeyri-şərtsiz iştirak etdi. Bu, ABŞ tərəfindən yüksək qiymətləndirildi. Corciya ştatında Dağlıq Qarabağ qondarma rejimini tanıyan qərarın qəbul edilməsi Azərbaycan-ABŞ münasibətlərinin inkişafına kölgə salır. Amma bu qərar ABŞ dövlətinin mövqeyini ifadə etmir. ABŞ Azərbaycanın ərazi bütövlüyünü və müstəqilliyini tanıyır. İki ölkə arasında münasibətlər yüksələn xətlə inkişaf edir"."ABŞ-da yaşayan azərbaycanlılar, diaspora təşkilatlarımız daha fəal olmalı, Corciya ştatında qəbul olunan bu kimi qərarlara etirazını bildirməli, belə qərarların qəbulunda canfəşanlıq edən qüvvələrin yalanlarının ifşası üçün əllərindən gələni etməlidirlər".

sia.az