"Tezliklə danışıqlara başlayacağımıza ümid edirəm" Səfir

Avropa İttifaqı Azərbaycanla yeni strateji tərəfdaşlıq sazişi üzrə yaxın zamanda danışıqlara başlayacağına ümid edir. SİA-nın məlumatına görə, bunu jurnalistlərə açıqlamasında Avropa İttifaqının Azərbaycandakı nümayəndəliyinin rəhbəri Malena Mard deyib.

O bildirib ki, Aİ və Azərbaycan bir çox sahələr, o cümlədən iqtisadiyyat, ticarət, ətraf mühit, nəqliyyat və s. daxil olmaqla hərtərəfli danışıqlar aparacaq: "Bu, bizim üçün iddialı layihədir. Hər iki tərəfin marağını nəzərə alsaq, tezliklə danışıqlara başlaya biləcəyimizə ümid edirəm. Bundan əlavə, mütəxəssislərin də daxil olacağı nümayəndə heyəti yaradılmalıdır. Onlar iştirakı olmadan iqtisadi, ticarət məsələlərini həll etmək mümkün deyil".

sia.az