Deputatlığa namizəd Əziz Ələkbərli Saatlıda seçicilərlə görüşlərini davam etdirir

Yeni Azərbaycan Partiyası tərəfindən 62 saylı Saatlı seçki dairəsi üzrə namizədliyi irəli sürülmüş Əziz Ələkbərli parlament seçkilərinin təbliğat-təşviqat kampaniyası çərçivəsində Məmmədabad, Əliabad, Genişkənd, Əhmədbəyli və Heydərabad kənd seçicilərilə görüşüb.

Görüşdə çıxış edən deputatlığa namizəd Əziz Ələkbərli əvvəlcə ölkəmizin qazandığı böyük nailiyyətlər haqqında danışıb. O, YAP-ın Azərbaycan dövlətçiliyinin inkişafında mühüm xidmətlərini vurğulayıb, hazırda ölkəmizdə xalqla iqtidar arasında sarsılmaz birlik olduğunu deyib.
Tədbirdə çıxış edən seçicilər qarşıdan gələn parlament seçkilərində YAP-ın 62 saylı seçki dairəsi üzrə namizədi Əziz Yusif oğlu Ələkbərliyə səs verəcəklərini bəyan ediblər.

yap.org.az