111 saylı Zaqatala və Balakən seçiciləri deputatlığa namizəd Kamilə Əliyevaya “HƏ” deyir

28 yanvar 2020-ci il tarixdə deputatlığa namizəd Kamilə Əliyeva növbəti görüşünü Zaqatalanın təhsil işçiləri və Balakənin Kortala kənd sakinləri ilə keçirtdi.

Öz fəaliyyəti barəsində məlumat verən deputatlığa namizəd Kamilə Əliyeva bildirib ki, cənab Prezident İlham Əliyevin rəhbərliyi ilə həyata keçirilən siyasət nəticəsində dövlətimiz yeni inkişaf mərhələsinə qədəm qoyub. Aparılan uğurlu islahatlar nəticəsində dövlətimiz gündən-günə inkişaf edir, iqtisadiyyatımız güclənir, insanların rifah halı yaxşılaşır. İslahatlar ölkə vətəndaşının sosial durumunu xeyli dərəcədə yüksəldib, rayonlarda müasir infrastrukturlar yaradılıb. O cümlədən, ölkənin hər yerində olduğu kimi, Zaqatala və Balakən rayonları da abadlaşıb, inkişaf edib.Təbii ki, bütün bunlara görə Prezidentimiz cənab İlham Əliyevə təşəkkür edirik. Şübhə yoxdur ki, bu inkişaf qarşıdakı illərdə daha geniş vüsət alacaq.
Kamilə Əliyeva sonda qeyd etdi ki : “Seçicilərdən aldığım güc mənə enerji verir, qələbəyə yaxın olduğuma inam yaradır. Təbii ki, mənə ən doğma olan seçicilərimdən xoş sözlər eşitmək, dəstəklərini hiss etmək fərqli bir duyğudur”.
Görüşlərdə seçicilər Yeni Azərbaycan Partiyasının siyasi xəttini dəstəkləyərək deputatlığa namizəd Kamilə Əliyevaya yekdilliklə səs verəcəklərini bildiriblər.

yap.org.az