Siyasət

  • 4 831

Strasburqda Xocalı soyqırımının 28-ci ildönümünə həsr olunmuş anım mərasimi keçirilib

image

"Xocalıya ədalət!" beynəlxalq təbliğat kampaniyası çərçivəsində Azərbaycanın Avropa Şurası yanındakı daimi nümayəndəliyinin təşkilatçılığı ilə Strasburqda "Motsart" konsert salonunda Xocalı soyqırımının 28-ci ildönümünə həsr olunmuş anım mərasimi keçirilib.xəbər verir ki, anım mərasimində Avropa Şurası yanında akkreditasiya olunmuş diplomatik korpus, Strasburqun akademik dairələri və yerli ictimaiyyətin nümayəndələri, eləcə də Strasburq Universitetində təhsil alan tələbələrimiz və diasporumuzun təmsilçiləri iştirak ediblər.Anım mərasimində Azərbaycanın Avropa Şurası yanında daimi nümayəndəliyinin rəhbəri Fəxrəddin İsmayılov insanlığa qarşı cinayət olan Xocalı qətliamı haqqında iştirakçılara məlumat verib. Xocalı faciəsinin Ermənistanın azərbaycanlılara qarşı etnik təmizləmə siyasətinin tərkib hissəsi olduğunu diqqətə çatdırıb. Dağlıq Qarabağ bölgəsinin Xocalı şəhərində 1992-ci il fevralın 25-dən 26-na keçən gecə erməni silahlı qüvvələri tərəfindən günahsız sakinlərə qarşı soyqırımı aktının törədildiyini bəyan edib. Bildirib ki, qadın, uşaq və ahıllardan ibarət 613 azərbaycanlı bir gecədə ermənilər tərəfindən amansızlıqla qətlə yetirilib. Həmçinin Azərbaycan ərazisinin 20 faizinin Ermənistan hərbi birləşmələri tərəfindən işğalı nəticəsində yüz minlərlə azərbaycanlının doğma yurdlarından didərgin salındığını xatırladıb.XX əsrin sonlarında bu cür vəhşiliklərin qəbuledilməz olduğunu söyləyən F.İsmayılov dünya ictimaiyyətini Xocalı soyqırımı ilə bağlı məlumatlandırmaq məqsədilə Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən həyata keçirilən "Xocalıya ədalət!" beynəlxalq təbliğat kampaniyasının əhəmiyyətini xüsusi vurğulayıb. Bu kampaniya çərçivəsində həyata keçirilən tədbirlər haqda məlumat verib. Təəssüflə qeyd edib ki, bu soyqırımı törədənlər hələ də ədalət mühakiməsinə cəlb olunmayıblar. Xocalı sakinləri ədalətin bərqərar olmasını və bu qətliamı törədənlərin cəzalandırılmasını tələb edirlər. Əks təqdirdə, cəzasızlıq və susqunluq yeni insani faciələrə aparacaq.Xocalıda qətlə yetirilən günahsız insanların xatirəsi tədbir iştirakçıları tərəfindən bir dəqiqəlik sükutla yad edilib. Tədbir Xocalı qurbanlarının xatirəsinə həsr edilmiş konsert proqramı ilə davam edib. Beynəlxalq müsabiqələr laureatı, skripkaçı Səbinə Rakçeyeva və istedadlı pianoçu Günel Mirzəyeva Azərbaycan və Avropa bəstəkarlarının əsərlərini ifa ediblər. Tədbir iştirakçılarına Xocalı qətliamı və Azərbaycan-Ermənistan Dağlıq Qarabağ münaqişəsinə dair broşürlər paylanıb.

sia.az

Digər xəbərlər