Türkiyə-Azərbaycan - Qardaşlıq münasibətləri - MƏQALƏ

15 iyun 2021 – ci il, Azərbaycan Tarixi kitablarına qızıl hərflərlə yazılacaq, mühüm tarixi hadisə kimi yaddaşlarımıza həkk olunacaq tarixi bir gün.Bəli, bu, o tarixdir ki, ilk dəfə olaraq bizim üçün mühüm mənəvi əhəmiyyət kəsb edən Şuşa şəhərində dövlətimizin başçısı, müzəffər Ali Baş Komandan cənab İlham Əliyev çətin günümüzdə-xoş günümüzdə, sevincimizə sevinən-kədərimizə kədərlənən qardaş Türkiyə Cümhuriyyətinin Cumhurbaşqanı cənab Rəcəb Tayyib Ərdoğanı təntənəli şəkildə qarşıladı. Mərasim boyu iki qardaş ölkələrin dövlət başçıları, dövlət xadimləri, yüksək vəzifəli şəxsləri ilə bərabər hamının üzündə təbəssüm, sevinc, fərəh hiss olunurdu. Bu ondan irəli gəlirdi ki, Azərbaycan tarixində ilk dəfə idi ki, Qarabağda, Şuşada ilk dəfə xarici dövlət başçısı qarşılanırdı.Vətənin qədrini o kimsə bilər ki, vətən ilə onun ruhən rabitəsi olsun, vətən ilə bir yerdə ağlasın, bir yerdə gülsün.Vətənimizin qədrini bilən, onunla ruhən rabitəsi olan cənab İlham Əliyevin dəvəti ilə gerçəkləşən dost qardaş ölkənin Prezidentinin Şuşa səfərinin əsas yadda qalan hissəsi, bizim üçün mühüm mənəvi əhəmiyyət kəsb edən Azərbaycan Respublikası ilə Türkiyə Respublikası arasında müttəfiqlik münasibətləri haqqında Bəyannamənin imzalanması oldu.Şuşa Bəyannaməsinin məhz Azərbaycan xalqının Qurtuluş günü - 15 iyun tarixinə və Qarabağ, Zəngəzur üçün çox vacib sayılan Qars müqaviləsinin 100-cü ildönümünə təsadüf etməsinin xüsusi rəmzi mənası var. Tarixən və hal-hazırda bu bölgə uğrunda ABŞ, Rusiya, Britaniya, Fransa, İran kimi dövlətlərin açıq mübarizəsi müşahidə olunmaqdadır. Biz tarixin təkrarlanmasının və oxşar hadisələrin yenidən baş verməsinin şahidiyik. Amma, bu dəfə fərq ondan ibarətdir ki, hadisələr Azərbaycanın xeyrinə və maraqlarına uyğun cərəyan edir. Bəyannamə, imzalanarkən dövlət başçımız İlham Əliyev cənabları terixi Qars müqaviləsini belə yada salsı: “Tarixi Qars müqaviləsi düz yüz il əvvəl imzalanıb. Bu da böyük rəmzi məna daşıyır. Yüz ildən sonra azad edilmiş Şuşa şəhərində müttəfiqlik haqqında imzalanmış birgə bəyannamə bizim gələcək işbirliyimizin istiqamətini göstərir. Bəyannamədə bir çox önəmli məsələlər öz əksini tapır. Beynəlxalq müstəvidə birgə əməkdaşlıq, fəaliyyətimiz, siyasi əlaqələr, iqtisadi-ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur. Cənub Qaz Dəhlizinin Türkiyə, Azərbaycan, dünya üçün önəmi göstərilir. Hər bir məsələ çox böyük önəm daşıyır”.Prezidentin 100-il bundan əvvəl baş verənlərə istinad etməsi təsadüfi deyil. Çünki 100 il bundan əvvəl baş tutan proseslərə oxşar hallar, indi də təkrarlanmaqdadır. Sadəcə bir fərq ilə. Əgər o zaman hadisələrin nəticəsi Ermənistanın və onun havadarlarının xeyirinə başa çatmışdısa, bu gün Cənubi Qafqazda yaranmış yeni reallıq Azərbaycan dövlətinin və xalqının birbaşa qalibiyyəti deməkdir. Ölkəmizin başçısının apardığı uzaqgörən siyasət nəticəsində xalqımız düz 100 il sonra tarixi ədaləti bərpa etdi.15 iyun 2021-ci il tarixindən başlayaraq Bakı və Ankara hərbi-siyasi, iqtisadi sahələrdə müttəfiqliklərini rəsmi şəkildə elan etdi. Bəyannamədə diqqəti çəkən ən vacib məqamlardan biri hərbi sahədə əməkdaşlıq və müttəfiqliklə bağlıdır. Burada qeyd edilir ki, iki dövlətin ərazi bütövlüyünə, suverenliyinə üçüncü dövlət və ya dövlətlər tərəfindən təhdid və ya təcavüz edildiyi təqdirdə, bir-birini qoruyacaqlar. Azərbaycan və Türkiyəni birləşdirən Zəngəzur dəhlizinin açılması, regionda nəqliyyat-kommunikasiya əlaqələrinin bərpası, beynəlxalq nəqliyyat dəhlizlərinin inkişafının təşviqi kimi aktual məsələləri yer alır. Sənəddə xüsusilə vurğulanır ki, Türkiyə ilə Azərbaycanı və Azərbaycanın qərbdəki bölgələriylə Naxçıvan Muxtar Respublikasını birləşdirən dəhlizin (Zəngəzur dəhlizi) açılması və onun davamı olaraq Naxçıvan-Qars dəmir yolunun inşası iki ölkə arasında nəqliyyat-kommunikasiya əlaqələrinin intensivləşməsinə əhəmiyyətli dərəcədə kömək edəcək.Bəyannamənin imzalanması ilə Azərbaycan və Türkiyə, həm də bir-biri ilə ticarət-iqtisadi münasibətlərdə milli iqtisadiyyatların və ixracın şaxələndirilməsinə, malların sərbəst hərəkətinin təşkilinə nail olacaq.

Mürsəl Mürsəlov
Sanator-Kurort Reabilitasiya Mərkəzininbaş direktoru

sia.az