Ceyhun Bayramov Pakistan xalqına başsağlığı verib

Azərbaycanın xarici işlər naziri Ceyhun Bayramov Pakistanın Pəncab əyalətində baş verən avtobus qəzası ilə bağlı Pakistan xalqına başsağlığı verib. Səs qəzeti xəbər verir ki, nazir “Twitter” hesabında Pəncab əyalətində baş verən dəhşətli avtobus qəzası ilə bağlı xəbərlərin Azərbaycanı çox kədərləndirdiyini bildirib: “Qəza qurbanlarına Allah rəhmət etsin, yaralılara isə şəfa versin. Qurbanların ailələrinə və qardaş Pakistan xalqına başsağlığı veririk”.

Qeyd edək ki, Pakistanın şimal-şərqində, Pəncab əyalətinin Dera Qazi-Xan şəhərində avtobusla treylerin toqquşması nəticəsində 28 nəfər ölüb, 40-dan çox sərnişin yaralanıb.