"Azadlıq Hərəkatçıları" İctimai Birliyi Prezident İlham Əliyevi təbrik edib

"Azadlıq Hərəkatçıları" İctimai Birliyi Azərbaycan Prezidenti İlham Əliyevi Türk Dövlətlərinin Əməkdaşlıq Şurasının toplantısında türk dünyasının “Ali Nişanı” ilə təltif olunması münasibətilə təbrik edib. SİA-nın məlumatına görə təbrikdə deyilir:

"Çox hörmətli cənab Prezident!

Türk Dövlətlərinin Əməkdaşlıq Şurasının toplantısında türk dünyasının “Ali Nişanı” ilə təltif olunmağınız, bir azərbaycann türkü olaraq qəlbimizi iftixar hissi ilə doldurdu. Yüz illərdən sonra yenidən türk dilli xalqların bir araya gəlməsi, türkün tarixi şöhrətinin özünə qaytarılması yolunda Ulu Öndər Heydər Əliyevin başladığı siyasi kursun möhtəşəm davamı olan “Vahid Türk Məkanı” uğrunda müdrikliklə gördüyünüz işlərin bütün türk xalqları tərəfindən bəyənilməsinin və təqdir edilməsinin bariz nümunəsi olaraq müasir dünyamızın yenilməz siyasi və dövlət xadimi, bütün dünya azərbaycanlılarının əvəzolunmaz lideri olan Zat-Alinizə verilən bu yüksək qiymət bütövlükdə xalqımıza verilən yüksək dəyər kimi qəbul edilməlidir. Yüz illər boyu məşəqqətlər içində yaşamağa məcbur edilmiş bir xalqı tarix üçün çox kiçik zaman içərisində bu qədər yüksəltməklə Siz təkcə bu günkü vətəndaşların deyil gələcək nəsillərin də əbədi lideri olaraq seviləcəksiniz. Nə xoş bizlərə ki, Zat-Alinizlə eyni dövrdə yaşamaq kimi tarixi xoşbəxtlik bizlərə də nəsib olub!

Zat-Aliləri hörmətli cənab Prezident!

Haqlı olaraq bu yüksək mükafata layiq görülməyiniz, xalqımıza yeni möhtəşəm qürur bəxş etməyiniz münasibətilə Sizi və bütün xalqımızı təbrik etməkdən qürur duyur, Sizə Böyük Türk Birliyi və qüdrətli Azərbaycan naminə fenomen fəaliyyətinizdə yeni-yeni uğurlar diləyirik!

Dərin hörmət, məhəbbət və ehtiram hissi ilə,

"Azadlıq Hərakatçıları” İctimai Birliyinin üzvləri adından, birliyin sədri Təhmasib Novruzov