"Media haqqında" yeni qanunla nizam-intizam yaranacaq - MÜNASİBƏT BİLDİRİLDİ

"Ölkə başçısı, cənab İlham Əliyev 2021-ci ilin əvvəlində, Azərbaycan Respublikasında media sahəsində islahatların dərinləşdirilməsi haqqında fərman imzaladı. Bununla da Medianın İnkişafı Agentliyi yaradıldı". Bu sözləri SİA-ya açıqlamasında Bakı Dövlət Universitetinin Jurnalistika fakültəsinin elmi işlər üzrə dekan müavini Sevinc Əliyeva bildirib.

​Onun sözlərinə görə, daha sonra Prezidentin tapşırığına əsasən "Media haqqında" yeni qanun lahiyəsi hazırlandı və geniş şəkildə müzakirələrə səbəb oldu: "Mənim media haqqında qanunlarda dəyişikliklərin aparılmasına dair fikirlərim çox müsbətdir. Çünki artıq ən azından nizam-intizam yaranacaq, jurnalistlərin statusu artacaq, jurnalist kartlarının verilməsi qeyri-peşəkarların aradan çıxmasına kömək olacaq. Ümid edirəm ki, qeyri-ciddi, reket jurnalistikası kimi ifadələr lüğətimizdən çıxacaqdır. Mənim üçün sevindirici hallardan biri də insanların şəxsi həyatına müdaxilənin, təhqir və böhtanın qarşısının alınması barədə qanunların qəbul olunmasıdır".

Banuçiçək Hüseynli