Ermənistanda ifadə azadlığı hüququ məhdudlaşdırılıb - Amnesty İnternational

Ermənistanda ifadə azadlığı hüququnun əsassız şəkildə məhdudlaşdırılması davam edir. Bu barədə Beynəlxalq Amnistiya Təşkilatının 2021-ci il üçün dünyada insan hüquqlarının vəziyyəti ilə bağlı hesabatında deyilir.“Hökumət müstəqil medianı və digər tənqidi səsləri məhdudlaşdırmaq üçün bir sıra qanunvericilik dəyişiklikləri etdi. Mart ayında Parlament təhqir və böhtana görə maksimum cəriməni 6 milyon drama (təxminən 12 min dollar) qaldırıb. Avqust ayında ictimai xadimləri təhqir edənlərin cinayət məsuliyyətinə cəlb edilməsini nəzərdə tutan daha bir qanunvericiliyə düzəlişlər paketi qəbul edilib, təkrar təhqirlərə görə üç aya qədər həbs cəzası nəzərdə tutulub.Sentyabr ayında polis baş nazirin şəklinin altındakı şərhdə onu təhqir etdiyinə görə Facebook istifadəçisinə qarşı bu yeni qanun əsasında cinayət işi açıb.Hakimiyyət hüquq müdafiəçisi Saşik Sultanyanın Ermənistandakı yezidi etnik azlığına qarşı rəftarını tənqid etdiyinə görə, qisas almaq üçün qondarma ittihamlarla təqib etməyi davam etdirib. Onun milli ədavəti qızışdırması ilə bağlı araşdırma 2020-ci ilin oktyabrında etnik yezidilərin üzləşdiyi problemlərlə bağlı onlayn müsahibə dərc etdikdən sonra başlayıb. Onun məhkəməsi avqustda başlayıb və ilin sonuna kimi davam edib. Günahı sübut olunarsa, onu 3 ildən 6 ilə qədər həbs gözləyir.Baş Prokurorluq və dövlət istintaq orqanları QHT-lərə və mediaya qarşı hücum və təhdidləri, o cümlədən 2020-ci ildə baş vermiş münaqişədən sonra “Azadlıq” radiosu və Açıq Cəmiyyət fondlarının ofislərinin talanını effektiv şəkildə araşdıra bilməyib”, - deyə hesabatda qeyd olunur.“Ermənistan-Azərbaycan sərhədində təhlükəsizlik, demarkasiya işləri qeyri-müəyyənlik səbəbindən qeyri-müəyyən olaraq qalır. Sərhəddə vaxtaşırı gedən döyüşlər hərbçilər və mülki şəxslər arasında itkilərə səbəb olub.Covid-19 pandemiyası və 2020-ci il münaqişəsinin nəticələri ölkənin iqtisadi çətinliyini daha da artırdı. Dünya Bankının məlumatına görə, Ermənistanın ÜDM-i 8% azalaraq 70 000 nəfəri yoxsullaşdırıb, 720 000 nəfəri isə yoxsulluqdan daha aşağı qrupuna köçürüb.Yaşlı və daha az təminatlı insanlar pandemiyadan qeyri-mütənasib şəkildə təsirlənib, karantin məhdudiyyətləri və ictimai səhiyyə resurslarının yenidən təyinatı səbəbindən səhiyyə xidmətlərinə çıxışda daha böyük maneələrlə üzləşiblər. Onların gündəlik xərcləri, xüsusən də məişət, kommunal xidmətlər, qida, dərman və tibbi xidmətlər üçün xərcləri ödəmək imkanları da əhəmiyyətli dərəcədə azalıb.

sia.az