Siyasət

  • 2 371

“Praqa görüşündə əldə olunan nəticələr növbəti qələbəmizdir” - AÇIQLAMA

image

“Prezident İlham Əliyev dəfələrlə bəyan etmişdi ki, biz qələbəni hərbi-siyasi yollarla təmin edirik. 6 oktyabrda Praqada keçirilən Avropa Siyasi Birliyinin Sammiti çərçivəsində ölkə başçımızın iştirakı ilə keçirilmiş görüşlər və bu görüşlərin yekun nəticəsi siyasi-diplomatik yolla imza atdığımız növbəti qələbəmizdir”. Bunu millət vəkili Azər Badamov “Səs” qəzetinə açıqlamasında bildirib.Azər Badamov onu da bildirib ki, Praqa görüşü bundan əvvəlki görüşlərdən forma və məzmunca fərqlənirdi: “Çünki, Ermənistanın baş naziri Nikol Paşinyan Praqa görüşünə əvvəlcədən hazırlaşmışdı və Fransa prezidenti Emmanuel Makronla Azərbaycana qəbul etdirmək üçün xüsusi planla gəlmişdi. Amma dövlət başçımızın siyasi proseslərə beynəlxalq hüquq müstəvisində yanaşması və xalqımızın milli maraqlarını hər şeydən üstün tutaraq müzakirələrə qoşulması son nəticədə sülh müqaviləsinin imzalanmasına yeni bir impuls verməsinə yol açdı. Təbii ki, danışıqlar 5 saatdan çox çəkmiş və geniş fikir mübadiləsi ilə davam etmişdir. Onu da qeyd etmək istəyirəm ki, Praqada keçirilən qeyri-rəsmi və rəsmi görüşlərdən çəkilmiş şəkillər də çox mənaları özündə əks etdirirdi. Türkiyə Prezidenti Rəcəb Tayyib Ərdoğanın yanımızda olması və Prezident İlham Əliyevin qətiyyəti sayəsində görüşlər müsbət nəticələndirildi”.A.Badamov onu da bildirdi ki, açıqlanan yekun bəyannamədə Ermənistan və Azərbaycan BMT Nizamnaməsinə və 1991-ci il Alma-Ata Bəyannaməsinə sadiq olduqlarını bir daha təsdiq etdilər: “Bu bəyannamə vasitəsilə hər iki tərəf bir-birinin ərazi bütövlüyünü və suverenliyini tanınması elan olundu və bu da əlbətdə ki, Qarabağın Azərbaycanın tərkib hissəsi kimi tanınması deməkdir. Digər bir nəticə Avropa İttifaqı Ermənistana öz mülkü missiyasını göndərəcək və orda 2 ay fəaliyyət göstərəcəkdir. Fransa çalışırdı ki, bu missiyanı öz iştirakı ilə həyata keçirsin və birtərəfli qaydada ölkəmizə qarşı mənfi rəy hazırlansın. Prezident İlham Əliyevin qətiyyəti sayəsində bunun qarşısı alındı və Ermənistana göndəriləcək Aİ-nın mülkü missiyası sərhəd monitorinqi aparacaq və lazım gələrsə Azərbaycan da bu komissiyaya öz dəstəyini göstərəcəkdir. Görüşün müsbət nəticələrindən biri də sərhədlərin delimitasiyası və demarkasiyası komissiyasının və sülh müqaviləsinin hazırlanması üçün işçi qrupların fəaliyyət göstərilməsi vaxtlarının və müddətlərinin müəyyən olunmasıdır. Hətta qərara alındı ki, sülh müqaviləsi üzərində işləyəcək işçi qruplar bir gün ərzində görüş keçirməklə kifayətlənməməli, həm də bir neçə gündə bir yerdə işləyərək məsələləri uyğunlaşdırmalı və konkret nəticəni ortaya qoymalıdırlar. Belə olarsa ilin sonuna qədər sülh müqaviləsinin imzalanması reallaşa bilər və Cənubi Qafqaza, regiona uzun müddətli sülh gələ bilər. Amma proseslərin necə davam edəcəyi isə Ermənistanın özünü necə aparmasından asılı olacaqdır. Onlar yaddan çıxarmamalıdırlar ki, Dəmir Yumruq yerindədir”.

Müəllif: Gülyana

Digər xəbərlər