Bu gün “Araz-Naxçıvan” “Şamaxı”nı, “Səbail” “Neftçi”ni qəbul edəcək

Bu gün futbol üzrə Azərbaycan Premyer Liqasında II turun növbəti oyunları keçiriləcək. SİA xəbər verir ki, ilk qarşılaşmada "Araz-Naxçıvan" və "Şamaxı" komandaları üz-üzə gələcək. "Liv Bona Dea Arena"da baş tutacaq görüş 18:45-də başlayacaq.

Günün ikinci matçında "Səbail" "Neftçi"ni qəbul edəcək. "ASCO Arena"da reallaşacaq oyun 20:00-da başlayacaq.

Ötən gün turun açılış görüşündə "Qarabağ" "Kəpəz"ə 3:0 hesabı ilə qalib gəlib.

II tur

Saat 18:45. "Araz Naxçıvan" – "Şamaxı"

Hakimlər: Fərid Hacıyev, Zohrab Abbasov, Eyyub İbrahimov, Kamranbəy Rəhimov

VAR: Cavid Cəlilov

VAR köməkçisi: Rəhman İmami

Hakim-inspektor: İmanxan Sultani

AFFA nümayəndəsi: İlham Əliyev

Mərdəkan, "Liv Bona Dea Arena".

Saat 21:00. "Səbail" – "Neftçi"

Hakimlər: Kamal Umudlu, Vüsal Məmmədov, Kamran Bayramov, Kamran Əliyev

VAR: Nicat İsmayıllı

VAR köməkçisi: Cəmil Quliyev

Hakim-inspektor: Ceyhun Haşımov

AFFA nümayəndəsi: Nəriman Axundov

ASCO Arena.

Qeyd edək ki, ikinci turun oyunları avqustun 11-də başa çatacaq.