YAP Kəlbəcər rayon təşkilatı ağacəkmə aksiyası keçirib - FOTOLAR

29 aprel 2025-ci il tarixdə YAP Kəlbəcər rayon təşkilatı xalqımızın xilaskarı, Ümummilli Lider Heydər Əliyevin anadan olmasının 102-ci ildönümü və "Konstitusiya və suverenlik ili" ilə əlaqədar Gəncə şəhəri Gülüstan qəsəbəsində yerləşən ADAU-nun 6 saylı yataqxanasının ərazisində növbəti ağacəkmə aksiyası keçirib.

Tədbirdə YAP Kəlbəcər rayon təşkilatının sədri Həbib Misirov, Kəlbəcər rayonu üzrə Təhsil sektorunun müdiri Namiq Rəcəbov, rayon Statistika idarəsinin rəisi Ramil Salmanov, rayon Mənzil-kommunal idarəsinin müdiri Mübariz Aydınov, rayon Həmkarlar komitəsinin sədri Əli Bağırov və partiya fəalları iştirak ediblər. Ulu Öndər Heydər Əliyevin xatirəsinə həsr olunmuş tədbirdə yerli iqlimə uyğun olaraq 40 ədəd eldar şamı əkilib, ərazidə olan digər ağac və həmişəyaşıl bitkilərə aqrotexniki qulluq göstərilərək yaşıllıq zonasında təmizlik işləri aparılıb.

Ağacəkmə aksiyasının keçirilməsində məqsəd yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin əziz xatirəsini yad etmək, Ümummilli Liderin təbiətə, yaşıllıqlara qayğı ənənələrini davam etdirməkdir.