“Türkiyə NATO-dan çıxarılmalıdır”..?

...Hollandiyanın Azadlıq Partiyasının lideri Qert Vilders X (Twitter) səhifəsində prezident Rəcəb Tayyib Ərdoğanın İsrailə qoşun göndərilməsi ilə bağlı sözlərinə görə, Türkiyənin NATO-dan çıxarılmasına çağırıb.

Xatırladaq ki, iyulun 28-də Ərdoğan Türkiyəni İsrailə girə biləcəyi ilə hədələyib. Bu sözləri şərh edən Vilders Türkiyə prezidentinin "tamamilə dəli olduğunu" deyib. "Türkiyə NATO-dan çıxarılmalıdır", - deyə siyasətçi qeyd edib.

SİA-nın əldə etdiyi məlumata görə, Türkiyə 1952-ci ildə Şimali Atlantika Alyansına üzv olub.

İsrailin xarici işlər naziri İsrael Katz İsrailə mümkün qoşun yeridilməsi barədə danışdıqdan sonra Ərdoğanı İraq lideri Səddam Hüseynlə müqayisə edib.

Xatırladaq ki, Səddam Hüseyn 1979-cu ildən 2003-cü ilə qədər onun rejimi devrildiyi zaman İraqın rəhbəri olub. O, fələstinliləri dəstəkləyirdi və İsrailə qarşı mənfi münasibət bəsləyirdi.

Əli Babayev