İraq Türkmən Cəbhəsi açıqlama verib

İraq Türkmən Cəbhəsi İraqda ümumi əhalinin siyahıyaalınması ərəfəsində qanun pozuntularının olduğunu açıqlayıb. SİA bu barədə Türkiyə saytlarına istinad edir.

İraq Türkmən Cəbhəsinin verdiyi yazılı açıqlamada əhalinin siyahıyaalması ərəfəsində Ərbil və Süleymaniyyə şəhərlərindən yüzlərlə ailənin Kərkükə aparıldığı bildirilib.

Açıqlamada başda Kərkükdə olan siyahıyaalmanın gedişatının yaxından izləndiyi və yüzlərlə ailənin Kərkük əhalisinə qeydiyyatdan keçmək üçün şəhər mərkəzinə daxil olduğu vurğulanıb.

Açıqlamada Kərkükün Ərbil və Süleymaniyyə giriş nəzarət məntəqələrində ağır nəqliyyat vasitələrinin hərəkətinin olduğu qeyd edilib və bu maşınlardakı ailələrin Kərkükdən olmadığı qeyd edilib.

Açıqlamada bu addımın Kərkükün real kimliyini və demoqrafik vəziyyətini dəyişmək məqsədi daşıdığı bildirilib.

Açıqlamada bu hadisə qarşısında səssiz qalmayacaqları bildirilib, İraq Federal Məhkəməsi və İraq hökumətindən lazımi addımların atılması istənilib.

Qeyd edək ki, noyabrın 20-21-də İraq Kürd Regional Rəhbərliyi (KRG) daxil olmaqla, İraq üzrə ümumi siyahıyaalma keçiriləcək.