Lavrov Ermənistandan danışıb...

Rusiyanın xarici işlər naziri Sergey Lavrov Ermənistanın Kollektiv Təhlükəsizlik Müqaviləsi Təşkilatından (KTMT) çıxmaq niyyətini suveren qərar adlandırıb. SİA-nın əldə etdiyi məlumata görə, onun sözlərini RİA Novosti yayıb.

Lavrovun sözlərinə görə, Rusiya Ermənistanın KTMT-dən çıxması ilə bağlı sənəd almayıb. O, əlavə edib ki, Rusiya Ermənistana təşkilata üzvlüyünü sırımır, lakin hesab edir ki, təşkilata üzvlükdən maksimum istifadə etmək respublikanın təhlükəsizliyinin maraqlarına uyğundur.

Lavrov Rusiyanın və digər KTMT üzvlərinin İrəvana qapıları bağlamaq kimi qəbul ediləcək heç bir hərəkətə yol vermədiyinə diqqət çəkib.

Bundan əvvəl Ermənistanın baş naziri Nikol Paşinyan bildirib ki, KTMT ilə İrəvan arasında münasibətlər dönüşü olmayan həddi keçib və Ermənistan onun blokdan kənarda olduğuna inanır. O

nun sözlərinə görə, indi Ermənistanın təşkilatdakı fəaliyyətə qayıtması qeyri-mümkün olur.

Əli Babayev