Şolz Putinlə danışıqları bərpa etməyə hazır olduğunu bildirib

Almaniya kansleri Olaf Şolz Rusiya prezidenti Vladimir Putinlə Ukraynadakı vəziyyəti yenidən müzakirə etməyə hazır olduğunu açıqlayıb. SİA-nın məlumatına görə, o, bu barədə t-online portalına müsahibəsində danışıb.

...Mən bunu istərdim, lakin sadəlövhlük və illüziyalardan qaçmaq vacibdir,- deyə Şolz Rusiya lideri ilə yeni təmasların mümkünlüyü barədə suala cavab verib.

Xatırladaq ki, noyabrın 15-də Şolzla Putin arasında təxminən iki ildən sonra ilk telefon danışığı olub.

Almaniya hökuməti qeyd edib ki, kansler Rusiya prezidentini ədalətli və davamlı sülhə nail olmaq üçün Ukrayna ilə danışıqlar aparmağa çağırıb.

Əli Babayev