Qrenlandiya Trampla əməkdaşlığı müzakirə etməyə hazırdır

...Qrenlandiyanın xarici işlər və müstəqillik naziri Vivian Motzfeldt ölkəsinin ABŞ-ın yeni seçilmiş prezidenti Donald Trampla əməkdaşlığı müzakirə etməyə hazır olduğunu bildirib. SİA xəbər verir ki, bu barədə RİA Novosti məlumat yayıb.

Motzfeldtin sözlərinə görə, ölkə hakimiyyəti əməkdaşlığa dair ilk danışıqlara başlamaq üçün Trampın vəzifəyə başlamasını gözləyir.

Nazir əlavə edib ki, müzakirə biznes sahəsində əməkdaşlıq, eləcə də faydalı qazıntıların hasilatı ilə bağlıdır.

Bundan əlavə, Motzfeldt Trampın Qrenlandiyanın ABŞ-ın bir hissəsinə çevrilməsi ilə bağlı sözlərinə də münasibət bildirib. Qrenlandiyalı nazirin dediyi kimi, onun ölkəsi yalnız öz vətəndaşlarına məxsusdur və adanın gələcəyini məhz onlar müəyyən edəcək.

Əli Babayev