Britaniya və ABŞ Zelenskinin Ukrayna ilə bağlı danışıqlarda iştirakına çağırıb

Böyük Britaniyanın Xarici İşlər Naziri David Lemmi deyib ki, London və Vaşinqton Ukrayna lideri Vladimir Zelenskinin Ukraynadakı münaqişənin həlli üçün danışıqlarda iştirak etməli olduğuna inanır.

SİA-nın məlumatına görə, o, bu barədə Münhen Təhlükəsizlik Konfransı çərçivəsində Reuters agentliyinə müsahibəsində bildirib.

Lemmi, ABŞ vitse-prezidenti J.D.Venslə görüşdən sonra deyib: "Biz davamlı sülhün olması fikrini bölüşürük... Belə bir razılaşma var idi ki, Zelenski və ukraynalılar bu danışıq müqaviləsinin bir hissəsi olmalıdırlar".

Nazir vurğulayıb ki, Britaniya və ABŞ Ukrayna münaqişəsinə son qoymaq arzusundadır.

Britaniya müdafiə departamentinin rəhbəri həmçinin qeyd edib ki, Amerika tərəfi ilə Ukrayna ilə bağlı söhbət onu "çox ruhlandırıb".

Daha əvvəl "The Times" qəzeti mənbələrə istinadən yazıb ki, Böyük Britaniya Müdafiə Nazirliyi Ukraynaya ABŞ prezidenti Donald Trampın münaqişənin həlli ilə bağlı təkliflərini rədd etməyi tövsiyə edib.

Əli Babayev