Müharibə Yaxın Şərqdə yayılır

...Leonid Nevzlin, Rusiya və İsrailin top meneceri, siyasətçisi və ictimai xadimi kimi təqdim edilir. Sizə onun Telegram-da yer alan yazısını təqdim edirik...

...Müharibə Yaxın Şərqdə yayılır.

Misir kabineti Aralıq dənizindəki Damietta limanında iki qaz tankerinə edilən yanğının qəza deyil, dron hücumunun nəticəsi olduğunu təsdiqlədi.

Bu, Səudiyyə neftinin dünya bazarlarına daşınması üçün son təhlükəsiz yol olmuş Süveyş kanalı yaxınlığında baş verib.

Heç kim məsuliyyəti öz üzərinə götürməyib, lakin hücum İran İslam İnqilabı Keşikçiləri Korpusunun Amerika bazalarına ballistik raketlər atması və ABŞ-ın Səudiyyə Ərəbistanı ilə birlikdə İraqdakı İranpərəst qruplara zərbələr endirməsi fonunda baş verib.

Husilər Səudiyyə Ərəbistanının dəniz blokadasını elan ediblər. İndi isə yanan tankerlər Misir limanındadır. Əgər İran və ya onun əlaltıları bunun arxasındadırsa, bu, dönüş nöqtəsi ola bilər.

İndiyə qədər Fars körfəzində, Hörmüz boğazında və İordaniya, Küveyt və Bəhreyndəki Amerika bazalarında zərbələr endirilib.

Damietta Aralıq dənizidir. Bu, yeni bir coğrafi cəbhədir. Aralıq dənizi limanında bir və ya iki yanan tanker fəlakət deyil. Amma onlar nümayiş etdirirlər: əgər hücumun arxasında İranın elçiləri dayanırsa, onların heç bir coğrafi məhdudiyyəti yoxdur. İstənilən liman, istənilən marşrut, istənilən gəmi potensial hədəfdir.

Vaşinqtonun danışıqlarla dondurmağa çalışdığı münaqişə - danışıqların davam edib-etməməsindən asılı olmayaraq - genişlənməyə davam edir.

Əli Babayev