Fransada sosial gərginlik - aviaşirkət işçiləri tətilə başlayır

Fransada sosial gərginlik bitmir. Bu dəfə "EasyJet France" aviaşirkətinin əməkdaşlarının maraqlarını təmsil edən həmkarlar ittifaqları əmək şəraitinin pisləşməsi səbəbindən avqustun 7-dən sentyabrın 2-dək tətil elan edib. Fransa mediasının yazdığına görə, aksiyaların keçirilmə tarixi hələ dəqiqləşdiriləcək.Bununla yanaşı, işçilərin nümayəndələri "EasyJet France" administrasiyası tərəfindən razılıq veriləcəyi halda, şirkət rəhbərliyi ilə danışıqları davam etdirməyə və tətil barədə xəbərdarlığı ləğv etməyə hazır olduqlarını bildiriblər. Lakin Fransa mətbuatı əksər əməkdaşların tətil keçirməkdə israrlı olduğu barədə yazır.
Mətləb