Tbilisidə aksiya keçirilir SAAKAŞVİLİYƏ AZADLIQ TƏLƏB EDİLİR

Gürcüstanın keçmiş prezidenti Mixail Saakaşvilinin tərəfdarları onun azad edilməsi tələbi ilə Tbilisidəki parlament binasının qarşısına toplaşıblar. SİA xəbər verir ki, bu barədə RİA Novosti-nin oradakı müxbiri məlumat verib.

Aksiyanı Saakaşvilini ölkəyə qaytarmaq üçün xalq hərəkatı yaradan Gürcüstanın müxalif “Qanun və Ədalət” partiyasının lideri Tako Çarkviani təşkil edib. Etirazçıların əllərində Gürcüstanın milli bayrağı və Saakaşvilinin fotoşəkilləri var.

Qeyd edək ki, Siyasətçinin azad edilməsini tələb edən daha geniş miqyaslı aksiyanın oktyabrın 14-də Tbilisinin mərkəzində keçirilməsi planlaşdırılır.

Xatırladaq ki, Saakaşvili oktyabrın 1-də Gürcüstanda saxlanılıb, indi Rustavi şəhərindəki həbsxanadadır. Gürcüstanda bir neçə cinayət işində onun iştirak etdiyi iddia olunur.