Bu günlərdə Azərbaycanın paytaxtında keçirilən COP29 iqlim konfransı çərçivəsində "Yanğınla mübarizə və vəhşi təbiət üçün risklərin azaldılması sahəsində transsərhəd əməkdaşlığı vasitəsilə iqlimə davamlılığın gücləndirilməsi" mövzusunda müzakirə paneli keçirilib. SİA xəbər verir ki, tədbir ATƏT-in İqtisadi və ətraf mühit məsələləri üzrə əlaqələndirici Ofisinin təşkilatçılığı ilə baş tutub.
Panel iclasını Ofisin iqlim məsələləri üzrə müşaviri Patrisiya Albrext açıb. Sonra onun moderatorluğu ilə Azərbaycan Fövqəladə Hallar Nazirliyinin Baş əməliyyat idarəsinin rəis müavini Ələsgər Əliyev, Gürcüstanın Ətraf Mühitin Mühafizəsi və Kənd Təsərrüfatı Nazirliyinin Ətraf mühit və iqlim dəyişiklikləri Departamentinin rəhbəri Nino Txilava, İsveçin Azərbaycandakı səfiri Tobias Lorentson və İsveçrənin Ətraf Mühit üzrə Federal İdarəsinin müşaviri Olaf Volf təqdimatlarla çıxış ediblər.
Çıxışlarda iqlim dəyişiklikləri nəticəsində meşə yanğınlarının tezliyi və intensivliyinin artması qeyd edilib, həmçinin yanğın risklərinin və vəhşi təbiət üçün təhdidlərin azaldılması məqsədilə transsərhəd əməkdaşlığı üzrə regional proqramların işlənib hazırlanmasının zəruriliyi vurğulanıb.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
