Nazir: "Ucuz enerji sənayenin rəqabət gücünü artırır"

Şimali Makedoniyanın energetika, mədən sənayesi və mineral ehtiyatlar naziri Sanya Bojinovska əlçatan və etibarlı enerji təminatının sənayenin rəqabət qabiliyyəti üçün mühüm amil olduğunu bildirdi.

O, II Azərbaycan Beynəlxalq İnvestisiya Forumunda qeyd etdi ki, enerji təhlükəsizliyi regional əməkdaşlıq və infrastrukturun inkişafı ilə sıx bağlıdır.

Nazirin sözlərinə görə, ölkələr arasında enerji əlaqələrinin genişləndirilməsi təchizatın şaxələndirilməsinə, enerji bazarlarının dayanıqlığının artırılmasına və yeni investisiya imkanlarının yaranmasına şərait yaradır.

Bojinovska Şimali Makedoniyanın enerji infrastrukturunun inkişafı, regional interkonnektorların qurulması və bərpa olunan enerjinin şəbəkəyə inteqrasiyası istiqamətində işləri davam etdirdiyini bildirib. O, enerji keçidinin həm əlçatan, həm də investisiyalar üçün cəlbedici olması vacibliyini vurğuladı.

Lalə Mehralı