Putin Rusiya şirkətlərinin fabriklərini Afrikaya köçürür..?

...Rusiya sənaye müəssisələrinin bir hissəsini Afrika ölkələrinə köçürməyə hazırdır.

SİA-nın əldə etdiyi məlumata görə, bu barədə "Moskva Times" xəbər verir.

...Bu, Rusiyanın maraqlarına tam uyğundur, xüsusən də Rusiya iqtisadiyyatına, Rusiya müəssisələrinə çoxsaylı sanksiyaların tətbiq olunduğu bu gün, - deyə Putin "Rusiya-Afrika" forumunda bildirib.

Onun sözlərinə görə, Rusiya şirkətlərinin investisiya potensialı "kifayət qədər yüksəkdir" və "burada işləmək üçün çox şey var".

O qeyd edib ki, Afrika ölkələrinə investisiyalar "etibarlı və təhlükəsiz" olmalıdır ki, istehsal "xarici siyasət konyunkturasından asılı olmayaraq" işləsin.

...Putin Burundi prezidenti Evarist Ndayişimiyeyə belə cavab verib ki, "Afrika xammalın ixracından və hazır məhsulların idxalından razı qalmayacaq". "Biz öz sənaye potensialımızı inkişaf etdirməliyik, kənd təsərrüfatımızı modernləşdirməliyik, enerji infrastrukturumuzu, logistika marşrutlarımızı gücləndirməliyik və tədqiqat fəaliyyətinə və texnologiyaların inkişafına daha çox sərmayə qoymalıyıq", - deyə Ndayişimiye bildirib.

O vurğulayıb ki, Afrika "istehlak bazarı olaraq qalmaqdansa, real istehsal və satış bazarına" çevrilməlidir.

Bir gün əvvəl Putin bildirib ki, Rusiya yüksək texnologiyaların inkişafında "təsirli nəticələr" əldə edib və "nou-hau 'nu özünün" afrikalı dostlarına ötürməyə hazırdır. "Rəqiblər bəzi sahələrdə bizi tutmalı və inkişafımızı kopyalamalıdırlar", - deyə Putin Afrika ölkələrinin, o cümlədən Efiopiya, Zimbabve və Malinin 22 lideri qarşısında çıxış edərkən vurğulayıb.

...Bundan əvvəl Rusiya Federasiyasının iqtisadi inkişaf naziri Maksim Reşetnikov bildirmişdi ki, Rusiya şirkətləri sənaye kooperasiyası çərçivəsində Afrika ölkələrində məhsul istehsal etməyə hazırdırlar.

"Afrikaya gəldiyimiz əsas mesaj - gəlin birlikdə suveren inkişafı təmin edək", - Reşetnikov bildirib.

O, əczaçılıq və İT həlləri sahəsində əməkdaşlıq təklif edib.

Öz növbəsində Rusiya Federasiyasının Sənaye və Ticarət Nazirliyinin rəhbəri Anton Əlixanov Afrika ilə birlikdə avtomobil sənayesini inkişaf etdirməyə hazır olduğunu açıqlayıb.

..."Rosatom" Dövlət Korporasiyası sahilyanı Afrika ölkələrində üzən AES-lərin tikintisi təklifi ilə çıxış edib. "Başlanğıc addım üzən nüvə enerjisi bloku kimi mənbə həm problemlərinizi həll etmək, həm də atom klubuna daxil olmaq üçün yaxşı giriş nöqtəsi ola bilər", - dövlət korporasiyasının nümayəndəsi bildirib.

Rusiyanın ən böyük mayeləşdirilmiş təbii qaz (LNG) istehsalçısı "Novatek" Afrika ölkələrinə Arktika layihələrində sınaqdan keçirilmiş öz istehsal texnologiyasını təklif edib, alüminium nəhəngi "Rusal" isə Qana ilə respublikada alüminium üçün xammal olan boksit hasilatı və emalı üzrə birgə müəssisənin yaradılması haqqında memorandum imzalayıb.

Bundan əvvəl Rusiya Energetika Nazirliyinin rəhbəri Sergey Tsivilev bildirib ki, Rusiya Afrikada geoloji kəşfiyyat aparmağa, yataqlar aşkar olunarsa qaz hasilatı ilə məşğul olmağa, SES-ləri modernləşdirməyə, günəş və istilik stansiyaları qurmağa hazırdır.

...Və yeri gəlmişkən, Rusiya-Afrika sammiti sentyabrın 28-29-da Moskvada keçirilib. Sammitdə 54 Afrika ölkəsindən 48-i iştirak edib.

Əli Babayev