Rusiya Sənayeçi və Sahibkarlar Birliyi (RSPP) Rusiyada işsizliyin artacağını proqnozlaşdırdı...
...Rusiya Sənayeçi və Sahibkarlar Birliyinin (RSPP) rəhbəri Aleksandr Şoxin bildirib ki, iqtisadi proqnozlar yaxşılaşmasa, Rusiya şirkətləri 2027-ci ildə işçi qüvvəsinin optimallaşdırılmasına və işdən çıxarılmasına başlaya bilərlər.
Biznes assosiasiyasının rəhbərinin sözlərinə görə, indiyə qədər əksər yerli şirkətlər işgüzar fəaliyyətin tez bir zamanda bərpa olunmasına ümid edərək işçi qüvvələrini saxlamağa çalışıblar.
Lakin, 2027-ci il üçün mühafizəkar iqtisadi proqnoz nəzərə alınmaqla, artıq işçi qüvvəsini saxlamaq iqtisadi cəhətdən mümkünsüz hala gəlir ki, bu da ölkədə işsizliyin artmasına səbəb ola bilər.
SİA-nın əldə etdiyi məlumata görə, Aleksandr Şoxin qeyd edib ki, şəhər yaradan müəssisələr və iri işəgötürənlər xüsusi vəziyyətdə olacaqlar.
Onlar fəaliyyət göstərdikləri bölgələrdə məşğulluğun təmin edilməsinin sosial yükünü daşımağa davam etməli olacaqlar. Bu transformasiya dövründə bu cür şirkətləri dəstəkləmək üçün əlavə hökumət tədbirləri tələb olunacaq.
Xüsusilə, Rusiya Sənayeçi və Sahibkarlar Birliyi rəhbəri onlara vergi ödənişləri də daxil olmaqla, öhdəlikləri üçün təxirəsalma, hissə-hissə ödəmə planları və fərdi ödəniş cədvəllərinin təqdim edilməsinin vacibliyini vurğulayıb.
Əli Babayev
Heç kim risk etmək istəmir...
Rusiya vətəndaşlarının Rusiyanın ÜDM-nin təxminən 20 faizini banklara və mikromaliyyə təşkilatlarına borcu var...
Neft emalı xüsusilə ağır zərbə aldı...
Yaxın günlərdə bunun Nijnekamsk, Perm və Tümenə də çatma ehtimalı yüksəkdir…
ABŞ-ın ikinci dərəcəli sanksiyaları səbəbindən...