Dağıdıcı
müxalifət düşərgəsində baş alıb gedən ziddiyyətlər dalğasının şkalası bu dəfə daha
sarsıdıcı oldu. Belə ki, "İctimai Palata"nın sonuncu sessiyasında çıxış
edən koordinasiya şurasının üzvləri, başda Pənah Hüseynov olmaqla, AXCP (i) sədri
Əli Kərimovla Müsavat başqanı İsa Qəmbərova qarşı ittihamlarla çıxış ediblər. Məsələ
ondadır ki, sözdə "palata"nı idarə edən inhisarçı "liderlərin"
fəaliyyətlərini "qənaətbəxş" hesab etdiklərini deyənlər, əslində, onlara
qarşı hücuma keçiblər. Bunu dağıdıcı müxalifətə məxsus informasiya saytlarında və
yazılı mətbuatda da görmək mümkündür. Çünki hər iki avtoritar "liderin"
çıxışları ilə digərlərinin çıxışları arasında qoyulan fərq və senzura bunu deməyə
əsas verir. Digər tərəfdən, həm "cəbhə" sədrinin, həm də Müsavat başqanının
çıxışları növbəti dəfə "meydan eyforiyası" və bezdiriciliyi ilə müşahidə
olunub. Onsuz da onların siyasi "təfəkkürlərinin" bundan ötə olmadığını
bilən aldanmış müxalifətçilər, eləcə də, funksionerlər "liderlərinin"
çıxışları zamanı yerlərdə öz etirazlarını bildiriblər. Onlardan yenilik tələb edənlər
boş-boş danışıb milləti isterikaya sürükləməməyi tələb ediblər.
Yerlərdən
replikalar: "İsterikaya son qoyulsun!"
Müasvat başqanı
İsa Qəmbərov çıxış edərkən, onun nə barədə danışması, ümumilikdə, sessiyaya toplaşanların
marağına səbəb olmayıb. Hər zamankı kimi "nala-mıxa döyən" partiya başqanı
çıxışında hakimiyyətə qarşı böhtanlar səsləndirərkən, bildirib ki, guya "palata"nın
aprel-may aylarında keçirilən aksiyalarını "yüksək dəyərləndirilib". Məhz
bundan sonra yerlərdən replikalar atmağa başlayan şəxslər onu yalan danışmaqda suçlayıblar.
"İsterikaya son qoyulsun!" kimi replikalar səsləndirənlər müəyyən vaxtlarda
İ.Qəmbərovun sözünü ağzında qoyublar. Ümumilikdə isə, partiya başqanı şəxsi məqsədləri,
dividendləri uğrunda müxalifəti güdaza verməkdə günahlandırılıb.Söz yox ki,
özünü onu ittiham edən sadə müxalifətçilər arasında təmizə çıxarmağa səy göstərən
Müsavat və AXCP (i) rəhbərləri sözlərində düzəliş etməyə çalışıblar. Onlar, aksiyaların
effekt vermədiyini köhnə biclikləri fonunda etiraf ediblər. Belə ki, öz siyasi zəifliklərini,
uçuruma doğru yuvarlanmalarını, partiyalarında gedən parçalanmanı belə, iqtidarın
üzərinə yıxmaqla təmizə çıxmaq istəyən İ.Qəmbərovun və Ə.Kərimovun qeyri-səmimilikləri
sessiyaya toplaşan müxalifətçilərin istehzalı "razılıqlapı", yəni başlarını
yelləmələri ilə nəticələnib.Bu səbəbdən,
artıq "palata" inhisarçılarının gülüş, ələsalma, qeyri-ciddilik obyektinə
çevrilmələri bir daha öz təsdiqini tapıb. Maraqlısı da odur ki, özlərini "azad
söz" və "demokratiya carçısı" adlandıranlar özlərinə məxsus mətbuat
səhifələrində düşərgədaşları tərəfindən onlara edilən etirazlar haqqında bir kəlmə
olsun belə, yazmayıblar.
Qərb və Klinton
narahatçılığından doğan rüsvayçılıq
Avropa Parlamentində
Azərbaycanla bağlı azsaylı deputatlar tərəfindən (səsvermə kvotası müəyyənləşdirilməmiş
şəkildə - R.R.) qəbul edilmiş qərəzli qərarı əlində bayraq tutan Müsavat başqanı
hansı səbəbdənsə, məlum səsvermədə iştirak edən avropalı deputatların məhz erməni
lobbisinə xidmət etdiklərini xatırlatmayıb. Çünki bu məqamda onun da sifarişi maraqları
ermənilər tərəfindən təmin edilib. Söz yox ki, zaman-zaman ermənilərlə separatçı
danışıqlara gedən Müsavat başqanı özünü çətin duruma salmaqdan ehtiyat edib. Amma
bəlli olan bəllidir.Eyni zamanda,
Hillari Klintonun Azərbaycana etdiyi səfərində də onun müxalifət düşərgəsi ilə görüşməməsi
İ.Qəmbərovun rüsvayçılığını üzə çıxarıb. Yəni
ABŞ dövlət katibi Hillari Klintonun Bakı səfəri də maraqlı məqamlarıyla yadda
qaldı desək, yanılmarıq. Təbii ki, bu səfərdə Azərbaycanın dövlətçilik maraqlarına
daha həssas yanaşılsa da, qeyri-dövlətçilik maraqlarından çıxış edən dağıdıcı müxalifət
"liderləri" görüşdən haqlı olıaraq rədd edildi. Bu isə, onu deməyə əsas
verir ki, 2010-cu ildən fərqli olaraq, bu dəfə əsas reallıq özünü sübuta yetirdi.
Nəinki Azərbaycanda, bütövlükdə, qeyri-ciddi siyasi dairələrlə danışıqlara getmək
ABŞ siyasətinə mənfi imic təsirini verə bilərdi.Bu baxımdan,
Klintonun dağıdıcı müxalifətlə görüşməməsinə öz təbirincə don geyindirməyə çalışan
Müsavat başqanı guya bunun başqa məsələlərlə əlaqəli olduğunu (?!) bildirməyə cəhd
göstərdi. Ancaq bu dəfə də yerlərdən replikalar atıldı ki, əgər "liderlərin"
nüfuzları olsa idi, H.Klinton onlarla görüşərdi. Ancaq bu, baş vermədi və İ.Qəmbərovun
çıxışı heç bir məntiqə söykənməmiş başa çatdı. Bu amil həm də Müsavat və AXCP (i)
rəhbərlərinin ciddi təlaş və narahatçılıq keçirməsinin sübutu kimi anlaşılan məqam
oldu.
Pənah Hüseynov
hər iki monopolist "lideri" siyasi iradəsizlikdə suçladı
"İctimai
Palata"nın koordinasiya şurasının üzvü Pənah Hüseynovun çıxışı isə bilavasitə
monopolist "liderləri" siyasi iradəsizlikdə suçlamaq ruhunda oldu. Maraqlıdır
ki, P.Hüseynovun sözügedən ittihamları "Azadlıq" və "Yeni Müsavat"
qəzetlərində "özünütənqid" (?) kimi qələmə verilib. Yəni bu faktorun özü
sübut edir ki, həqiqətdə heç bir ittihamları qəbul etmək gücündə ola bilməyən Ə.Kərimov
və İ.Qəmbərov ixtiyarlarında olan mətbuat səhifələrində də həmin vəziyyəti saxlamaqdadırlar.P.Hüseynov
"İctimai Palata"nın qəbul etdiyi əsassız və qərəzli sənədlərin həm də
yarasız olduğunu dilə gətirib. "Vahid
namizəd" məsələsində də inamsızlığının olduğunu deyən P.Hüseynov heç nə əldə
edə bilməyəcəklərini etiraf edib. Diqqətçəkici məqam isə, ondan ibarətdir ki, hər
iki monopolist "lider" - həm Ə.Kərimov, həm də İ.Qəmbərov siyasi irədəsizlik
ittihamlarını susmaları ilə qəbul ediblər.
RÖVŞƏN RƏSULOV
