Hər seçkiöncəsi illərdə olduğu kimi, 2012-ci ildə dağıdıcı
müxalifət daxilində, xüsusilə, AXCP (i) və Müsavat partiyaları arasında şiddətli
qarşıdurmalara start verilməkdədir. Baxmayaraq ki, hər iki partiyanın sədrləri eyni
qurumda - "İctimai Palata"da təmsil olunmalarına rəğmən, onların bir-birlərinə
qarşı əmələ gəlmiş gizli antipatiyaları bu dəfə daha açıq müstəvidə cərəyan etməkdədir.
Məsələ isə ondadır ki, artıq "vahid namizəd" təklifi ilə çıxış edən müsavatçıların
əsas məqsədləri burada yenidən İsa Qəmbərovu bu statusda görmək arzularıdır. Ancaq
həmin status uğrunda Əli Kərimovun da rəqabət aparması vəziyyəti gərginləşdirib.
"Cəbhəçilərin" anti-Müsavatçı arqumentləri və faktları
"İctimai Palata"nın sonuncu sessiyasında Müsavata
daha çox yaxınlığı ilə seçilən Pənah Hüseynovun "vahid namizəd" məsələsi
ətrafında daha çox dayanması da onun məhz İ.Qəmbərov tərəfindən çıxış etməsinə olan
sübutdur. Ə.Kərimov isə bunu çox yaxşı anladığından, yaxın ətrafına göstəriş verib
ki, "cəbhənin" əsas məqsədi İ.Qəmbərovun yenidən ona xəyanət etməsinə
imkan verməməkdir.Bundan sonra isə AXCP (i) funksionerləri tərəfindən Müsavata
qarşı hücum kampaniyasına başlanılıb. Onlar deyirlər ki, bu gün "vahid namizəd"
məsələsinin müzakirəsi "İctimai Palata"nı uçuruma apara bilər. "Cəbhəçilər"
başqa arqumentlərlə də İ.Qəmbərov qarşısında fakt qoyurlar ki, həmin faktın əsas
tablosu Müsavat başqanının öz sözünə əməl etməməsi, hər iki partiyanın "koalisiya"
şəklində birləşməməsi amilidir. Yəni bir zamanlar partiyaların biləşəcəyini vəd
edən İ.Qəmbərovun həmin vədinə xilaf çıxması, onun düşərgədəki inamına kökündən
balta vurub. Ona görə də AXCP (i) Müsavata inanmır: "Biz nə vaxt koalisiya
olacağıq, o vaxt vahid namizəd məsələsi gündəmə gələ bilər".
Müsavatdan istefa verənlər kimin sifarişi ilə İsa Qəmbərovu
ittiham edirlər ?
Bəlli olduğu kimi, Sülhəddin Əkbər "Açıq Cəmiyyət Partiyası"na
sədr gəldikdən sonra Müsavat partiyasından ilkin istefalar başlayıb. Belə ki, Müsavat
partiyası məclisinin üzvü Ramiz Mirzəoğlu və partiyanın Naxçıvan təşkilatının sədri
Meydan Əlili istefa ərizələrini partiyanın təşkilat şöbəsinə təqdim ediblər. Adıçəkilən
hər iki şəxsin Sülhəddin Əkbərə yaxın olduğu isə şübhə doğurmur. Onların "ACP"-də
rəhbər postlara gətiriləcəyi də gözlənilir.Belə ki, Müsavat partiyasından istefa verən R.Mirzəoğlu mətbuata
açıqlamasında istefa verdiyini təsdiqləyib. Deyib ki, o, artıq Müsavat adlı partiyada
siyasi fəaliyyət göstərmir: "Müsavatdan istefa verməyimi xüsusi şərh etməyə
və ya səbəbləri sadalamağa ehtiyac görmürəm. Biz rəsmi istefa ərizəmizi partiyaya
təqdim etmişik. Ancaq bizim istefamız normal bir şeydir. İsa Qəmbərov da vaxtı ilə
Xalq Cəbhəsinin idarə heyətinin üzvü idi, amma sonra istefa verərək, Müsavat partiyasına
getdi".Yeri gəlmişkən, Müsavatdan istefa verən şəxslərin verbovkası
yalnız S.Əkbər tərəfindən deyil, həm də AXCP (i) sədri Ə.Kərimov tərəfindən də reallaşması
öz təsdiqini tapmaqdadır. Qeyd edək ki, R.Quliyev həm də Ə.Kərimovla yaxın əlaqələr
qurmaq marağındadır. Ona görə də "cəbhəçilərin" Müsavat antipatiyalarından
yaranıb bu kimi vəziyyəti yaratmağa nail olub. Nəticədə isə, bəlli olmaqdadır ki,
bu gün ümumilikdə dağıdıcı müxalifətdə baş verənlər İ.Qəmbərov-Ə.Kərimov qarşıdurmasından
yaranır, digərləri isə həmin qarşıdurmalardan yararalanaraq, şəxsi siyasi dividendlərini
reallaşdırırlar.Hər halda, "vahid namizəd" məsələsi ətrafında yaranmış
düşərgədaxili ajiotajları da bununla əlaqələndirmək mümkündür.
Rəfiqə Hüseynova
.jpg)
